|
Ang Opisyal na Pahayag ng Matanglawin ukol sa Iniratsadang Con-Ass ng Kamara |
|
Anunsiyo
|
|
Matanglawin
|
|
Tuesday, 30 June 2009 |
|
I-download ang PDF
Bantay-Salakay Ang Opisyal na Pahayag ng Matanglawin ukol sa Iniratsadang Con-Ass ng Kamara Ika-2 ng Hunyo. Lagpas alas-onse na ng gabi subalit halos puno pa rin ang kadalasa’y bungi-bunging mga upuan sa Mababang Kapulungan. Maingay sa bulwagan dulot ng kabi-kabilang mga debate, talumpati at girian ng mga Kongresista ukol sa House Resolution 1109. Nilalayon nito na tipunin ang mga miyembro ng Kongreso upang amyendahan ang Konstitusyon sa pamamagitan ng tatlong-kapat na boto ng lahat ng miyembro nito. Bago maghatinggabi, naipasa ang nasabing resolusyon, isang nakapagtataka at nakapagdududang kaganapan sapagkat bibihirang mangyari na mabilisang naaksiyunan ng Mababang Kapulungan ang isang nakahaing panukala. Katibayan dito ang marami pang nakabinbing usapin tulad na lamang ng mga batas ukol sa repormang agraryo. Nakalulungkot, nakahihiya at nakangangalit ang ginawang pagratsada ng mayorya sa Mababang Kapulungan sa HR 1109. Isang pang-aabuso ito sa kapangyarihan at pribilehiyong ipinahiram sa kanila ng taumbayan. Waring hindi pinag-isipan ng mga sumuporta rito ang legalidad, katwiran at kahihinatnan ng resolusyong ito, bagkus pawang mga pansariling-interes lamang nila ang kanilang isinaalang-alang. Kaugnay nito, hindi sumasang-ayon ang Matanglawin sa naipasang resolusyon patungkol sa Constituent Assembly batay sa mga susunod na argumento: |
|
Ipagpatuloy...
|
|
|
Tomo XXXIV Bilang 1 Narito na! |
|
Anunsiyo
|
|
Matanglawin
|
|
Monday, 29 June 2009 |
|
Narito na ang piankabagong isyu ng MatanglawinTomo XXXIV Bilang 1  Tampok ang mga sumusunod na artikulo 
Tunguhin ang mga Matanglawin stands sa may Faura driveway, SEC walkway, Gonzaga walkway, cafeteria, MVP lobby, Rizal library entrance at Xavier Hall para makakuha ng inyong kopya. I-download ang PDF ng Tomo XXXIV Bilang 1 |
|
|
Pagpapahayag ng Saloobin ukol sa HR 1109 |
|
Artikulo
|
|
ni Ian Christopher Gamara
|
|
Sunday, 28 June 2009 |
Kamakailan lamang isinulong ng Kongreso ang HR 1109 na naglalayong amyendahan ang Konstitusyon ng 1987 sa pamamagitan ng Constitutional Assembly o higit na kilala sa tawag na Con-Ass. Lubusang gumimbal sa mga Pilipino at nagpuyos ang damdamin ng karamihan ang pangyayaring ito. Dahil dito, marami ang nagpahayag ng lubusang pagtutol at pagkamuhi sa ginawang pagsulong ng HR 1109.
Ilan sa mga nagpahayag ng kanilang saloobin ukol rito ang mga kilalang personalidad ng Unibersidad ng Pilipinas nang ganapin sa Malcolm Theater, UP College of Law ang “CHACHA Midnight Express?” noong Ika-18 ng Hunyo. Sa talakayang ito na inorganisa ng UP Law Student Government inanyayahang magsalita ang mga dating dekano ng UP College Law na sina G. Froilan Bacungan, G. Merlin Magalona at G. Salvador Carlota, kasama na ang kasalukuyang dekano na si G. Mervic Leonen. Isa rin sa mga inaanyayahang magsalita ang dating miyembro ng Kataas-taasang Hukuman ng Pilipinas na si G. Vicente V. Mendoza, na kahit hindi man nakadalo ay nagpadala naman ng sariling pahayag tungkol sa HR 1109.
|
|
Ipagpatuloy...
|
|
|
Ikalawang Leadership Forum ng ANC, Idinaos |
|
Artikulo
|
|
ni Joanne Galang
|
|
Thursday, 18 June 2009 |
|
Bilang bahagi ng kampanya ng ANC (ABS-CBN News Channel) upang mabigyan ang mamamayan ng pagkakataong makagawa ng matalinong desisyon sa darating na eleksyon, inilunsad ang Countdown to 2010: The ANC Leadership Forum sa Leong Hall, Pamantasang Ateneo de Manila noong Ika-11 ng Mayo. Matapos ang unang bahagi, nasundan ito ng isa pang porum na ginanap sa Paaralan ng Ekonomiks, Unibersidad ng Pilipinas noong Ika-4 ng Hunyo. Kabilang sina dating Pangulong Joseph Ejercito Estrada, Makati Mayor Jejomar Binay, MMDA Chairman Bayani Fernando at Sen. Loren Legarda sa mga lider na naimbitahan sa ikalawang bahagi ng nasabing forum. Bagama’t naimbitahan din si Senador Panfilo Lacson, hindi siya nakarating at nagbigay na lamang ng isang maikling talumpati sa isang eksklusibong video at nagpahayag ng kanyang kawalang-intensyong tumakbo sa darating na halalan. Nagsimula ang palatuntunan sa isahang pakikipanayam sa bawat panauhin. Umikot ang usapin sa mga plano ng bawat isa para sa darating na eleksyon, sa mga reporma o programang nais nilang isulong kung sakaling mabigyan sila ng pagkakataong maupo sa puwesto at sa mga tugon nila sa mga isyung ipinupukol sa kanila. Narito ang ilan sa mga mahahalagang pahayag ng bawat kinapanayam na pinuno: |
|
Ipagpatuloy...
|
|
|
Patalastas
|
|
sining ni Rico Esteban
|
|
Tuesday, 16 June 2009 |
|
Sa pagbubukas ng taong pang-akademiko, inaanyayahan ng Matanglawin ang mga interesadong Atenista na sumali at maging kasapi ng Matanglawin, ang Opisyal na Pahayagang Pangmag-aaral ng Pamantasang Ateneo de Manila. Tanawin-Tunguhin
Mga bagwisan na maaaring salihan
Buhay Matanglawin
Paraan ng pagsali |
|
|
CARPER ipinasa sa Kongreso, mga magsasaka hati |
|
Artikulo
|
|
ni Robin James Perez
|
|
Sunday, 07 June 2009 |
Sa bilang na 211-13-2, naipasa na sa wakas noong ika-3 ng Hunyo ang ikatlo at panghuling pagbasa ng Mababang Kapulungan sa House Bill 4077 na naglalayong mapalawig ang Comprehensive Agrarian Reform Program (CARP) hanggang 2014.
“A day of victory for the farmers,” ani Anakbayan Rep. Risa Hontiveros-Baraquel, kasama ng kilusang Repormang Pansakahan at Katarungang Panlipunan (Katarungan) at Pambansang Katipunan ng mga Samahan sa Kanayunan (PKSK) sa kanilang pagbubunyi sa pagpasa sa HB 4077.
Ilan sa mahahalagang probisyon ng nasabing batas ang 'compulsary land acquisition and distribution' ng lahat ng lupang pansaka. Naglaan ang gobyerno ng P100 biyon para sa implementasyon nito alinsunond sa General Appropriations Act (GAA) ng konstitusyon. |
|
Ipagpatuloy...
|
|
|
Ang Pinakabagong Epidemya sa Filipinas |
|
Artikulo
|
|
Kolum ni Tresa Valenton
|
|
Sunday, 07 June 2009 |
|
Waring A(H1N1) virus na kumakalat ang mga balita, opinyon, video, text jokes, [at kahit mga pagsusulit sa Facebook!] ukol sa eskandalong kinasasangkutan nina Dr. Hayden Kho at Katrina Halili. Sa ngayon, sangay-sangay nang mga kuwento ang patuloy na tinatangkilik ng mga Filipino mula sa mga elitista hanggang sa karaniwang Juan. Iba’t ibang personalidad na ang nadamay: may mga senador, dating pulis, doktor, mga artista, modelo, mga kaibigan, kamag-anak, ina, intrigero’t intrigera. Hindi matatawaran ang uri ng emosyong naihahatid ng isyung ito: drama ng mga “binaboy”, pagpapaawa ng mga “nambaboy”, hibik ng isang inang “nagtatanggol”, pakikisawsaw upang makagawa ng bagong bersyon ng istorya na bunsod ang pagkakadawit ng iba pang pangalan, bagong anggulo sa paggamit ng droga, pakikiramay ng ilang kaibigan, diretsahang pagkundena, pag-agaw ng eksena ng isang “water boy”, pagpapalapad ng papel ng mga politikong waring may layon sa eleksyon. Datapwat ang tanong, ganito nga ba kalaki ang naturang isyu upang bigyan ng napakalaking atensyon? |
|
Ipagpatuloy...
|
|
|
|
<< Start < Prev 1 2 Next > End >>
|
| Results 1 - 8 of 9 |
